FOLCLORE   SICILIANO  ANTICO

Quannu l’Eternu lu munnnu criau

e a ognunu la so parti ci resi

a nui stu ciuri n’attuccau

certu ca fu vuluntà ri Diu

rinnomu sicania si ciamau

chistu fu lu so nomu primitivu

pio a trinacria passau

fino ca a sicilia finivu.

Certu lu primu omu c’abitau

picchi ri ogni mezzu era privu

nta rutti o paghiara s’allughiavu

e se quantu gran peni pativu,

manu manu la cosa mighiurau,

picchi ci a statu l’aiutu ri Diu,

c’allomu lu ngegnu ciaddutavu

pi puttarisi avanti ci sibbiu.

Ri   prima cu lu lignu s’adattau

ciu avanti lu ferru canusciu,

di fatti tanti cosi ni lassau

ca tutt’ora l’esmpio e bivu.

Nta la petra lu tiatru scavavu

fu lu divertimentu primitivu

nta la roccia supirturi adattau

unni li so morti suppilliu.

Cosi ca su ancora spariscenti

si ni trovinu nta tanti cuntrati

a parti ri facciati suliscenti

e unni ce paisi suttirrati.

Se chi pativu sta povira aghenti

nta tutti sti seculi pasasati,

nun canusceru li divirtimenti

erinu o travaghiu cunnannati.

Certu pi nui su cosi cuntati

fra poviru e riccu quanta distanza,

supra li piureddi sbinturati

lu riccu avia tanta patrunanza,

c’erinu ormai abituati,

lighi si faciinu a tutt’oltranza

comu li schiavi erinu trattati

c’era la furca pi gravi mancanza.

Pisanti massi, trunchi ri lignami

lu trainu difficili vinia

cu rummuli cordi e bistiami

e tanta forza umana ci vulia.

Cu  blocchi, curruli e curdami

ficinu a chisa ri Santa Lucia,

quantu e quantu forza ri murami

cu pocu mezzi e tanta mala via

Cerinu sulu pezzi ri trazzeri

viaggiari nun’era dilettu.

viniinu ciamati mulitteri

ri strati nun’aviinu l’aspettu.

Tutti li merci a paisi frusteri

retini ri muli era ncuncertu

iinu ravanti e cu rarreri

comu li caruvani nto disertu.

Lu tempu passau ri iri aperi

si fabbricarunu carrozzi e carretti,

ci fu bisognu ri li strati veri

scrusciu ri cianciani e di bacchetti,

du beddu cantu ri li carritteri

e di canzuni cu tanti mmuttetti.

ma oggi nunn’è ciui comu aeri

che machini si va comu e diretti.

Ri Marzamemi finu a panacia

poi sempri tunnu avanti a girari,

quannu lu tunnu la passa facia

era tutta na passa ri tunnari.

La ciurma cu lu raisi scinnia

a stenniri li riti nta lu mari

e quantu beni ri l’acqua niscia

ora sti cosi vinninu a mancari.

Tutta a racina ca s’arricughia

macillata vinia cu li peri

qu’ auliva macari si facia

macinata cu moli ri pirreri,

la pasta nta lu conzu si mittia

fattu ri cianchi, scufini e pileri

e lentu lentu, lu sucu ci scinnia

facennu foza n’avanti e n’arreri.

Lu carru sicilianu canusciutu

è tipicu e tantu numinatu,

lu pupu nsicilia e nasciutu

e veru vantu ri l’artigianatu,

lu puparu quant’aghenti  addivirtutu

quannu Urlantu , Rugeri ammazzatu.

Lu marranzanu ri casa purtatu

ri l’emigrandi lu cunfortu a statu.

Quant’ommini autu ri valuri

sta terra  r’amuri e r’armunia

ri musica, ri scienza e di scritturi,

ri ogni arti e ri puisia.

Lu missinisi fu lu gran pitturi

bravi statisti e d’ingigniria

a Sarausa fu lu ciù auturi

isaia lu munnu se n’appoggiu avia.

Ora ca sa cinu la misura

pi oblicu nun pozzu siquitari

smettu e m’arritiru ri bonura

ceru lu passu a cu ma giuricari.

Aprile 1980

BUSCEMI PAOLO